ព័ត៌មានចុងក្រោយ

កាលពីថ្ងៃទី១៩ ឯកឧត្តម Pablo Kang អគ្គរាជទូតអូស្រ្តាលីប្រចាំនៅកម្ពុជា មានក្តីសោមនស្សរីករាយ ដែលបានថ្លែងសុន្ទរកថាពីចម្ងាយទៅកាន់អ្នកចូលរួមក្នុងពិធីសម្ភោធដាក់ឱ្យប្រើប្រាស់ជាផ្លូវការ នូវផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តី ២០១៩-២០២៣ ក្រោមធិបតីភាព សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ (more…)


កាលពីថ្ងៃទី១៤ និង១៥ ខែមករា ឆ្នាំ២០២១ ក្រោមជំនួយឧបត្ថម្ភពីរដ្ឋាភិបាលអូស្រ្តាលី តាមរយៈកម្មវិធីសហប្រតិបត្តិការអូស្រ្តាលី-កម្ពុជាដើម្បីផ្តល់សេវាប្រកបដោយនិរន្តភាព និងសមធម៌ ហៅកាត់ថា ACCESS  អង្គការ ADD បានរៀបចំកិច្ចប្រជុំរៀនសូត្រ និងផ្លាស់ប្តូរបទពិសោធន៍ ស្តីពីសារៈសំខាន់ និងទំនាក់ទំនងនៃបរិយាបន្នពិការភាព ក្នុងសេវាឆ្លើយតបដើម្បីដោះស្រាយ អំពើហិង្សាទាក់ទងនឹងយេនឌ័រ។  អង្គការ ADD បានរៀបចំកិច្ចប្រជុំនេះនៅខេត្តកំពង់ស្ពឺ ក្នុងភាពជាដៃគូជាមួយក្រុមប្រឹក្សាសកម្មភាពជនពិការ និងក្រសួងកិច្ចការនារី។ (more…)


កាលពីថ្ងៃទី១៣ ខែមករា ឆ្នាំ២០២១ គណៈប្រតិភូនៃស្ថានទូតអូស្រ្តាលីប្រចាំនៅកម្ពុជា និងរដ្ឋលេខាធិការ ក្រសួងកិច្ចការនារី បានប្រគល់លិខិតបញ្ជាក់ការសិក្សាដល់សិក្ខាកាមដែលជាភ្នាក់ងារនិងមន្ត្រីនគរបាលយុត្តិធម៌ ដែលបានចូលរួមវគ្គបណ្តុះបណ្តាលគ្រូបង្គោលថ្នាក់តំបន់មកពីខេត្តទាំង៨​។ នេះជាវគ្គបណ្តុះបណ្តាលលើកទី៣ អំពីគោលការណ៍ណែនាំស្តីពីកិច្ចការពារផ្លូវច្បាប់សម្រាប់សិទ្ធិស្រ្តី និងកុមារនៅកម្ពុជា។ (more…)


កុមារភាពរបស់ ផាន់ សុភាព បានជួបនូវការរើសអើង និងមាក់ងាយ ដោយសារពិការភាពរបស់គាត់ បណ្តាលមកពីជំងឺស្វិតដៃជើង។ ពេលខ្លះ កុមារមួយចំនួនក្នុងភូមិរបស់គាត់បានសើចចំអក និងធ្វើត្រាប់តាមដំណើររបស់គាត់។ ទោះបីជាគាត់មិនត្រូវបានលើកទឹកចិត្តឱ្យទៅរៀនក៏ដោយ ក៏កុមារ ផាន់ សុភាព មិនបានបោះបង់ចោលការសិក្សាឡើយ ហើយព្យាយាមជម្នះគ្រប់ឧបសគ្គ និងបន្តការសិក្សារហូតដល់បញ្ចប់ថ្នាក់បរិញ្ញាបត្រផ្នែកព័ត៌មានវិទ្យា។ (more…)


លោកស្រី សៀង សុខចាន់ បានរៀបរាប់នៅពេលជួបជាមួយក្រុមការងារកម្មវិធីACCESS និងគណៈប្រតិភូស្ថានទូតអូស្រ្តាលីថា៖ «នៅពេលខ្ញុំចាប់ផ្តើមតួនាទីដំបូងរបស់ខ្ញុំជានាយិកាអង្គការវេទិកាស្រ្តីពិការខេត្តបាត់ដំបង  ខ្ញុំមានការរុញរា ហើយខ្លាចថាមិនអាចបំពេញតួនាទី និងការងារដ៏សំខាន់នេះបាន។ ប៉ុន្តែអ្វីដែលខ្ញុំសម្រេចបាន គឺលើសពីការរំពឹងទុករបស់ខ្ញុំ ហើយខ្ញុំរីករាយណាស់ដែលពិការភាពអង្គុយលើរទេះរុញ មិនបានបង្អាក់នូវចំណង់ចំណូលចិត្ត  និងការប្តេជ្ញាចិត្តរបស់ខ្ញុំ​ ក្នុងការបន្តគាំទ្រដល់ស្រ្តីមានពិការភាពនៅក្នុងសហគមន៌របស់ខ្ញុំ»។ (more…)


ថ្ងៃនេះជាថ្ងៃទី ១៦ នៃយុទ្ធនាការ ១៦ថ្ងៃ បញ្ឈប់អំពើហិង្សាដែលទាក់ទងនឹងយេនឌ័រ ហើយថ្ងៃនេះ យើងក៏ប្រារព្ធទិវាសិទ្ធិមនុស្សអន្តរជាតិផងដែរ។ (more…)


ធ្វើឱ្យជនល្មើសទទួលខុសត្រូវចំពោះមុខច្បាប់ លើសកម្មភាពរបស់ពួកគេ និងជួយបញ្ឈប់អំពើហិង្សាលើស្ត្រី។


ស្ត្រីមានសិទ្ធិចូលទៅកាន់ទីកន្លែងទាំងអស់ ដោយគ្មានការភ័យខ្លាចពីការរើសអើង ឬការគំរាមកំហែងដល់សុវត្ថិភាពរបស់ពួកគេឡើយ។ សូមចូលរួមជាមួយគ្នា ក្នុងការថែរក្សានិងបង្កើតកន្លែងមានសុវត្ថិភាព សម្រាប់មនុស្សរាល់គ្នា។


តើអ្នកដឹងទេ? វិសមភាពយេនឌ័រ រួមមានទាំង ការចូលរួមមិនស្មើភាពគ្នា ក្នុងការធ្វើការសម្រេចចិត្ត គឺជាដើមហេតុនៃអំពើហិង្សាលើស្ត្រី។ ផ្តល់វេនគ្នា គោរពគ្នាទៅវិញទៅមក និងប្រើវិធីសាស្ត្រធ្វើការសម្រេចចិត្តរួមគ្នា។ ធ្វើបែបនេះ ជាការលើកកម្ពស់ទំនាក់ទំនងប្រកបដោយសុខដុមរមនា។