អភិបាលកិច្ចកម្មវិធី

ក្រុមការងារផ្នែកពិការភាព និងក្រុមការងារផ្នែកអំពើហិង្សាទាក់ទងនឹងយេនឌ័រត្រួតពិនិត្យ និងផ្តល់ប្រឹក្សាបច្ចេកទេសដល់ក្រុមការងារទាំងពីរខាងលើស្របតាមផែនការយុទ្ធសាស្រ្តជាតិស្តីពីពិការភាព និងផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តី។
តួនាទីចម្បងៗរបស់ក្រុមការងារនេះគឺដើម្បីធានាថា៖

• កិច្ចអន្តរាគមន៍របស់កម្មវិធី ACCESS ក្នុងវិស័យពិការភាព និងផ្នែកអំពើហិង្សាទាក់ទងនឹងយេនឌ័ររួមទាំងយន្តការវិនិយោគដែលមានភាពប្រកួតប្រជែងចាំបាច់ត្រូវមានសង្គតិភាពទៅនឹងការងារជាអាទិភាពរបស់រាជរដ្ឋាភិបាលកម្ពុជា ជាពិសេសទាក់ទងនឹងផែនការយុទ្ធសាស្រ្តជាតិស្តីពីពិការភាព និងផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តី។
• សកម្មភាពការងារនៃកម្មវិធី ACCESS ត្រូវបានសម្របសម្រួល និងបង្ហាញពីការបំពេញបន្ថែមដ៏រឹងមាំ។
• ការអនុវត្តការងារគឺស្របទៅតាមផែនការសកម្មភាពដែលបានព្រមព្រៀងគ្នា និងរួមចំណែកដល់ការសម្រេចបានលទ្ធផលពាក់កណ្តាលកម្មវិធី និងលទ្ធផលបញ្ចប់នៃកម្មវិធី។
• ការពិគ្រោះយាបល់លើសេចក្តីសម្រេចចិត្តជាយុទ្ធសាស្ត្រជាមួយភាគីពាក់ព័ន្ធផ្នែកពិការភាព និងផ្នែកអំពើហិង្សាទាក់ទងនឹងយេនឌ័រនឹងធ្វើឡើងជាទៀងទាត់ ។

សមាជិកក្រុមការងារផ្នែកពិការភាព និងផ្នែកអំពើហិង្សាទាក់ទងនឹងយេនឌ័រត្រូវមានចំនួនកំណត់ដើម្បីធានាថាដំណើរការនៃការធ្វើសេចក្តីសម្រេចចិត្តមានប្រសិទ្ធិភាព។ នៅក្នុងដំណាក់ចាប់ផ្តើមកម្មវិធីសមាសភាពស្នូលនៃក្រុមការងាររួមមាន តំណាងមកពីក្រសួងស្ថាប័នផ្សេងៗនៃរាជរដ្ឋាភិបាលកម្ពុជាដែលបានចូលរួមក្នុងការអនុវត្តផែនការយុទ្ធសាស្រ្តជាតិស្តីពីពិការភាព និងផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តី។ បន្ទាប់មក ក្រុមការងារនេះនឹងរួមបញ្ចូលដៃគូដែលទទួលបានជំនួយហិរញ្ញវត្ថុពីកម្មវិធី។